Portada Lliteratura Preséntase en Xixón el llibru ‘L’órganu nel Principáu d’Asturies’

Preséntase en Xixón el llibru ‘L’órganu nel Principáu d’Asturies’

by redacción asturnews

El Festival de Música Antigua acueye la presentación esti martes a les 18 hores nel Centru de Cultura Antiguu Institutu del llibru L’órganu nel Principáu d’Asturies una publicación editada pola Fundación José Cardín, que presenta l’analís más completu y refechu de los órganos y organeros d’Asturies.

Esti llibru ye un percorríu con abondosa documentación gráfica y archivística polos órganos d’Asturies, tantu polos que tán declaraos Bien d’Interés Cultural como pol restu de preseos de la nuesa comunidá autónoma.La importancia d’esti trabayu nun se centra solo nos órganos calteníos, sinón que contextualiza el ricu pasáu del nuesu patrimoniu organístico y apurre documentación sobro órganos sumíos y organeros n’Asturies.Ye un primer pasu pa la conocencia y caltenimientu del nuesu patrimoniu, d’interés pa intérpretes ya investigadores, ensin escaecer un propósitu divulgativu pa públicos más amplios.

Tres cinco años d’intensu y desinteresáu trabayu, l’equipu de calter interdisciplinar formáu por una musicóloga, una organista y un historiador del arte remata nesti llibru un procesu enfocáu a la conocencia y la preservación del patrimoniu organístico asturianu.

Más información en: http://fundacioncardin.com

 

Convidaos:
Enriqueta de Valdés Cavanilles (Directora de la Fundación José Cardín Fernández)
María Sanhuesa Fonseca (autora)
Susana García Lastra (autora)
Enrique Campuzano Ruiz (autor)

Centru de Cultura Antiguu Institutu

Gratuitu con inscripción previa obligatoria

Cuando: 6 de xunetu de 2021 a les 18:00

Tamién te podria gustar