Presentación de la esposición de cartelos del Conciertu pola Oficialidá con actuación d’Asturiana Mining Company

Esti martes 4, a les ocho la tarde, la Xunta pola Defensa de la Llingua Asturiana, estrena xunto a músicos de los cuasi setenta grupos que pasaron per 25 años de Conciertu pola Oficialidá una esposición que quier valir d’homenaxe al so llabor comprometíu. Sedrá na Plaza’l Pescao d’Uviéu.

Nel actu, amás de presentar la propia esposición, colos cartelos de toles ediciones, va dase anuncia pública del Conciertu pola Oficialidá d’esti añu, cuntando cola Asturiana Mining Company, ganadores del Premiu al Meyor Cantar en 2012, que van dar ellí un conciertu tres les presentaciones.