Nava y Villaviciosa organicen talleres de llectura n’asturianu

El Serviciu de Normalización Llingüística de la Comarca de la Sidra, en collaboración coles árees de cultura de los conceyos de Nava y Villaviciosa, entama pa esta primavera unos nuevos talleres de llectura n’asturianu, empobinaos a crear grupos activos de llectores y fomentar el conocimientu de la última lliteratura fecha na nuestra llingua.

El costu d’estos talleres ye totalmente gratuitu y incluyirán sesiones mensuales y alcuentros colos autores de les obres propuestes. El plazu d’inscripción ta abiertu hasta’l día 17 d’abril, nes biblioteques de los conceyos de Nava y Villaviciosa y nel Serviciu de Normalización Llingüística de la Comarca de la Sidra, en Paraes (Nava), nel teléfonu 985718413.