Muerre Carmen Balcells, la gran axente lliteraria n’español

Carmen Balcells, la musa editorial del boom hispanoamericanu y la gran axente lliteraria en llingua española de la transición dexábanos esti día a los 85 años d’edá.

Foi ensin dulda l’artífiz del boom lliterariu llatinoamericanu, al protexer a semidesconocidos como Gabriel García Márquez o Mario Vargas Llosa pa que se esmolecieren solo por escribir cuando aportaron al éxitu lliterariu. L’apasionada Carmen Balcells tuviera hiperactiva y al mandu de so imperiu lliterariu hasta la nueche del domingu, cuando finó a los sos 85 años, dando exemplu hasta l’últimu aliendu de lo que pidía a los sos escritores representaos.

Tolo que foi nel futuru apuntábalo al paecer de pequeña: yera la mayor de cuatro hermanos criaos en tierres de Santa Fe de Segarra (Lleida) onde nació en 1930, nuna familia modesta, d’un padre incultu y de una madre refinada que la obligó a estudiar peritaxe mercantil. Una visita d’un empresariu brasileñu que quería topar un editor en portugués llevola a conocer al rumanu Vintila Horia, que tenía una axencia lliteraria en Madrid, ACER. Ella fadría-y la representación en Barcelona y cuando l’escritor ganó’l Goncourt ya instalóse en París quedarase cola so cartera d’autores ya instalarase pola so cuenta.

Cola so visión lliteraria creó una superaxencia, que llegó a tener más de cuarenta trabayadores, un cientu d’autores represenaos y seis premios Nobel: García Márquez, Vargas Llosa, Cela, Miguel Ángel Asturias, Vicente Aleixandre y Neruda, y autores como Cortázar o Manuel Vázquez Montalbán.