Menos d’una selmana pa la edición 25 del Conciertu pola Oficialidá

Yá queda menos d’una selmana pa la que va ser la celebración del 25 aniversariu del Conciertu pola Oficialidá. Esta tradicional folixa reivindicativa va celebrase’l sábadu, 8 de xunu, a les 19:30 hores, nel Parque Inglés de Xixón. Nel mesmu van participar esti añu N’arba, Felpeyu, La Tarrancha, La Bandina, Dixebra y Dani Stylo. La entrada tien un preciu d’8 euros anticipao y 10 na puerta.

Les entraes véndese anticipadamente en:

Uviéu: L’Esperteyu Chigre Folk, Cervecería Malá Strana

Xixón: Café Trisquel Chigre, Sidrería Canteli

Avilés: El Cafetón, Bar Queen Maeve

Candás: La Gueta

La Pola (L.lena): La Palmera

La Pola Siero: Abre César

Mieres: L’Abellugu

Grau: Pub Piero’s

L’Infiestu: La Traviesa

L’Entregu: La Semiente