Marta Mori presenta esta tarde’l so llibru últimu

El Serviciu de Política Llingüística d’Asturies y la editorial Suburbia presenten esta tarde’l llibru “La mio voz”, de Marta Mori, obra ganadora del Premiu Xuan María Acebal de poesía n’asturianu 2010.

L’actu va celebrase güei, 8 de xunu, nel Vieyu Institutu de Xixón, a les 7,30 la tarde, cola participación de Xuan Xosé Sánchez Vicente como presentandor y Consuelo Vega, Directora Xeneral de Política Llingüística, en representación del Gobiernu d’Asturies.