Los sindicatos d’educación abandonaron l’encierru n’alcordando una xunta cola Conseyería

Los representantes de los sindicatos UXT y ANPE zarraos na see de la Conseyería d’Educación abandonaron l’encierru dempués de que dende’l Principáu comunicára-yos la celebración d’una xunta «al más altu nivel» esta selmana.

Esti llunes los dos sindicatos empezaben un nuevu encierre na see de la Conseyería d’Educación, n’Uviéu, para esixir el pagu del segundu tramu de la evaluación docente. Sicasí, poques hores dempués, los sindicatos ANPE y UXT decidieron abandonar l’encierre «temporalmente», según señalaron dende ANPE.

«En repitiendo la solicitú de la incorporación nos presupuestos del Principáu de 2020 de la partida para’l 2° plan d’evaluación, el Principáu anúncianos que vamos celebrar una xunta al más altu nivel a lo llargo d’esta selmana col compromisu d’empecipiar les negociaciones de les condiciones para perfeccionar el 2° nivel d’evaluación docente», indicaron, para repitir que si en dicha xunta nun algamar meyores satisfactories, «vamos reiniciar les movilizaciones».