Portada Comunicación Los Premios Príncipe d’Asturies convierten Uviéu en centru d’atención mundial

Los Premios Príncipe d’Asturies convierten Uviéu en centru d’atención mundial

by asturnet

L’ausencia de Letizia Ortiz por mor del so avanzáu estáu de xestación y la presencia del pilotu Fernando Alonso pa recibir el Premiu Príncipe d’Asturies de los Deportes marquen l’interés informativu n’Uviéu de la ceremonia d’entrega de los galardones que lleven el títulu del heriede de la corona y que va asitiar el Teatru Campoamor esta tarde en centru d’atención mundial.

Un importante despliegue policial y de seguridá va acompañar esti viernes 21 la celebración del actu d’entrega de los Premios de la Fundación Príncipe d’Asturies. A l’avezada presencia de numberosu públicu nos alrededores del Hotel Reconquista y el Campoamor pa ver de cerca a les personalidaes galardonaes y a los miembros de la familia real española, va sumase esti añu l’interés suscitáu pola figura del pilotu Fernando Alonso, verdaderu ídolu de mases en toa Asturies y sobremanera na so ciudá natal.

La ceremonia va retresmitise en directu por Televisión Española y pola canal informativa que tien colgao la Fundación Príncipe d’Asturies n’Internet. Per primer vez, amás del español y l’inglés, la tresmisión va dase n’otros idiomes: francés, italianu, alemán y portugués.

Tamién te podria gustar