Portada Música Los míticosThe Yardbirds d’Eric Clapton actúen en Xixón nel empiezu del Euroyeyé

Los míticosThe Yardbirds d’Eric Clapton actúen en Xixón nel empiezu del Euroyeyé

by asturnet

El festival Euroyeyé escomienza cola presencia en Xixón d’unos invitaos de luxu: la mítica banda británica The Yardbirds. El grupu pel que pasaron músicos como Eric Clapton o Jeff Beck actúa na Plaza Mayor cola so formación actual tres volver a xuntase después de tres décades inactivos.

La cita ye a les 22.00 hores nun conciertu de baldre y va ser la ocasión de ver en directu a una banda que darréu la so remanecencia apocayá vien a Xixón con un discu “Birdland” nel que colaboraron artistes como G. Mayo (Dr. Feelgood), Slash, Steve Vai, Joe Satriani y Brian May. The Yardbirds fueron una referencia fundamental del rock psicodélicu de finales de los sesenta y escomienzos de los setenta, xermen de grupos como los non menos míticos Led Zeepelin.

La so actuación esta nueche da empiezu a la onceana edición del festival Euroyeyé, una cita irrefugable del veranu xixonés y de tolos apasionaos de la cultura “sixtie” del mundu enteru.

Mañana viernes 5 va ser el cantautor asturianu Toli Morilla el qu’actùe nel escenariu de la Plaza Mayor col so espectáculu “Nueche d’insomniu nel Hotel Madrid”.

Tamién te podria gustar