Portada Educación Los exames escritos de la universidá nun van ser siempre grabaos

Los exames escritos de la universidá nun van ser siempre grabaos

by redacción asturnews
Foto: José Antonio Carretero (https://www.flickr.com/photos/jose1969/)

La institución contesta a les duldes de los estudiantes, a dos díes de qu’arranque la evaluación ‘online’, esclariando que los exames orales de la Universidá d’Uviéu que se van a realizar por videoconferencia van ser grabaos siempres que’l tribunal tea compuestu por menos de trés profesores.

Son dalgunos de los aspeutos que concretó la Universidá d’Uviéu nun documentu publicáu güei, a dos díes de qu’arranque la evaluación ‘online’, la primer esperiencia d’esti tipu que tien la institución asturiana y toles demás. Tán previstos más de 3.000 exames telemáticos, tantu orales como escritos, a los que se suman les defenses de trabayos de fin d’estudios. Y al respective de los escritos, « la riegla, sacantes alleguen causes escepcionales, ha ser la non grabación«.

L’anunciu de la Universidá de que la negativa d’un alumnu a qu’el so exame fuera grabáu provocó un gran malestar ente los alumnos. Agora, l’equipu rectoral publicó esti documentu, nel que fai referencia a la normativa llegal na que basa la supervisión y grabación de los exames y los derechos qu’amparen a los alumnos. Caltiense la posibilidá de supervisión de los exames al traviés de cámares (webcams o dispositivos integraos en teléfonos móviles)«.

Pero les pruebes escrites solo seríen grabaes si esto tuviera xustificáu: «Atendiendo a les circunstancies, el profesor  pue consideralo imprescindible pa garantizar la integridá de les pruebes d’evaluación y cumplir pa colos precuros establecíos pa protexer los datos personales».

Recuérdase que nun se dexa compartir imaxes o audios de los exames, nin de los docentes nin del alumnáu, que los estudiantes van ser informaos de too al entamu de la prueba y que les grabaciones van guardase hasta la final del cursu siguiente o hasta que se resuelvan en firme les reclamaciones, en casu de que les haya.

Tamién te podria gustar