Portada Comunicación Los Estudios Gona convoquen el I Cursu de Técnicu Audiovisual

Los Estudios Gona convoquen el I Cursu de Técnicu Audiovisual

by asturnet

Estudios Gona convoca 21 places pal “I Cursu Técnicu Audiovisual Polivalente Gona 2011”. Un nuevu programa d’estudios, de trés meses de duración (372 hores), que se va desenrrollar nestos nuevos estudios cinematográficos instalaos n’Asturies. El cursu ta empobináu a mayores de 18 años en posesión del títulu n’Educación Secundaria Obligatoria o equivalente y van distribuyise en tres grupo de siete alumnos caún. El cursu va impartise n’horariu de 9 a 15 hores de llunes a vienres, en Morcín, llar de los Estudios Gona.

La preinscripción ha facese n’Estudios Gona, cai Gamonal, 33163 Polígonu d’Argame (Morcín) o tamién per corréu postal certificáu non más tarde el 22 de marzu. Los candidatos escoyíos van ser citaos el 28 de marzu a una prueba escrita. El resolvimientu d’almitíos va ser publicáu na páxina web de Gona el 15 d’abril.

El cursu tien un costu de 6.000 euros, de los cualos 4.700 euros son sovencionaos por Caxastur en forma de beca al alumnu. Pa los 1.300 euros restantes l’alumnu puede solicitar a La Caxa un préstamu tipu 0%, con un plazu d’hasta 6 meses y unos gastos de formalización de cien euros, con garantía personal y amortización mensual.

Información del cursu

Tamién te podria gustar