Portada Música Llan de Cubel cancela la so xira polos EEXX y prepara nuevu discu

Llan de Cubel cancela la so xira polos EEXX y prepara nuevu discu

by asturnet

Llan de Cubel anunció la suspensión de la xira prevista a lo llargo d’esta seronda pelos Estaos Uníos. Les estorbises burocrátiques puestes poles autoridaes americanes d’Inmigración son la causa de la cancelación de los conciertos. Mentantu la banda pixueta prepara nuevu discu pal añu que vien.

El grupu más internacional del folk asturianu decidió nun entamar la xira prevista pa estes selmanes pelos EEXX. Na so páxina web oficial los músicos denuncien les dificultaes puestes poles autoridaes norteamericanes y la nula colaboración de la Embaxada d’esi país en Madrid pa facilitar los permisos d’entrada y trabayu.

Per otru llau Llan de Cubel anuncia que ta trabayando na elaboración d’un nuevu trabayu discográficu resultáu de más de tres años de llabor. El sestu álbum de la banda ta pensao que se grabe nos primeros meses de 2006 y podía tar a la vienda hacia xunu. Nél van recoyese temes y melodíes de dellos cancioneros antiguos asturianos y otros frutu de la revisión de numberoses grabaciones de campu, unes de grupos etnográficos y otres d’orixe tan diversu como por exemplu de los exiliaos asturianos tres la guerra civi.

Tamién te podria gustar