Les tases de primera matrícula van siguir conxelaes el próximu cursu

El presidente del Principáu, Javier Fernández fizo anuncia esti xueves de que va caltener conxelaes les tases de primera matrícula universitaria’l próximu cursu, polo que’l preciu nun va variar per sestu añu consecutivu. Fernández adelantró esti compromisu na inauguración de les Xornaes sobre responsabilidá de los conseyos sociales de les universidaes españoles’, qu’empezaron el xueves y se desenvolieron a lo llargo del vienres, nel alcuentru de la Conferencia de Conseyos Sociales. Na so intervención (na qu’aludió al financiamientu por oxetivos de la Universidá en 2018), reivindicó’l papel que tienen los conseyos sociales de «recordar a la Universidá del sieglu XXI qu’hai de dar cuenta de los sos actos, que tien d’esplicar a la sociedá qué fai, cómo lo fai y pa qué lo fai». Na so opinión, el Conseyu Social debe d’esaminar primero la so propia responsabilidá», pos «solo quien conoz les suyes puede esixí-yles a los demás».

Pela so parte, el rector, Santiago García Granda, aseguró que’l conseyu social ye «el meyor aliáu» pa que la institución pueda «algamar la excelencia» y treslladar a la sociedá los beneficios del so impulsu innovador». Y Lalo Azcona, presidente del órganu, resaltó’l compromisu de serviciu públicu qu’asumen los integrantes pa «atopar caminos que dexen ameyorar la calidá» de les universidaes.