Les subvenciones a medios sofiten 23 proyectos

Un total de 23 proyectos repártense esti añu los 80 mil euros de les subvenciones a medios de comunicación pala normalización. Nel Boletín Oficial del Principáu d’Asturies d’esti martes 24 de payares publícase la resolución de concesión de subvenciones a medios de comunicación pa la normalización social del asturianu y gallego-asturianu. L’oxetu d’esta llinia d’actuación ye la concesión d’ayudes económiques en réxime de concurrencia competitiva a empreses periodístiques, radiofóniques, televisives o d’Internet, poles inversiones realizaes na producción d’espacios onde s’utilice l’asturianu, o’l gallego-asturianu nel so ámbitu, demientres l’añu 2015. Equí pues descargar la resolución de concesión, cola relación de proyectos subvencionaos, un total de 23 proyectos con un importe de 79.999,89 euros: Resolución de la concesión de subvenciones a Medios