Les solicitúes pa estudiar inxenieríes cayeron una cuarta parte

Los gobiernos de too el mundu calculen qu’en pocos años van necesitar el doble d’inxenieros y sicasí, l’interés polos estudios d’inxenieríes nun para de cayer. Tantu, que la demanda cayó un 23,3% nuna década, según datos del Ministeriu d’Educación.

Malpenes el 13% de los titulaos yelo nuna inxeniería o Arquitectura. Contra esta situación traten de lluchar la Universidá Politécnica de Madrid (UPM) y la Real Academia d’Inxeniería, qu’entamen per segundu añu una feria: L’aprendiz d’inxenieru.

Los 15.000 metros cuadraos d’escampada de la Escuela Técnica Cimera d’Inxeniería Agronómica abelluguen esta selmana 70 talleres y actividaes en 53 carpes. Participen n 3.200 alumnos de secundaria de 40 centros y la UPM centrase nos mozos de 11 a 16 años, los qu’entá nun se decantaron por ciencies o por lletres.

El programa d’actos atropa munchos campos y con un induldable ésitu. Cunten los profesores de la escuela d’Arquitectura d’Interiores que casi gastaron nun día’l carboncillo y la llexía pa faer dibuxu artísticu en cinco, o’l alxinato y el cal pa faer escultures de les manos de los participantes.

Los neños aprienden a construyir en papel la torre Sears de Chicago, a cocinar bombones o quesu, controlar cola reconocencia de les ondes el tonu d’un teléfonu móvil, a allumar un xardín por aciu una aplicación informática, a salvar a una llamera de la grafiosis o a faer un cohete d’agua pa entender asina cómo se propulsan los grandes. Grandes compañíes como Talgo, Fenosa, Repsol o IBM colaboren dafechu neta actividá.