Portada Educación Les escueles de 0 a 3 empecipiaron el cursu cola máxima seguridá énte’l coronavirus

Les escueles de 0 a 3 empecipiaron el cursu cola máxima seguridá énte’l coronavirus

by redacción asturnews

Los 893 alumnos y alumnes de les Escueles d’Educación Infantil de 0 a 3 años empecipiaen so reincorporación progresiva pal entamu del nuevu cursu escolar co los protocolos d’actuación y los refuerzos de plantiya destinaos a garantizar la seguridá énte’l coronavirus COVID-19.

El regresu del alumnáu producióse en 12 de los 13 de centros de la rede municipal, conforme a les instrucciones de la Conseyería d’Educación. L’únicu pindiu del regresu del alumnáu ye’l de Contrueces, qu’acueye a alumnes y alumnos de nueva matriculación, y que’l so empecipio de cursu ta programáu pal 10 de setiembre.

Pa esti especial entamu de cursu, la conceyalía d’Educación y Cultura trabaya n’estrecha coordinación con otres árees municipales, Fuerces de Seguridá y Protección Civil con cuenta de que garantizar tránsitos y distancies seguros.

La plantiya de 124 educadores a tiempu completu y 16 a media xornada, reforzóse con 7 técniques cimeres, procedentes de los planes d’empléu, y otres 6, dientro del programa ‘Reinicia Xixón’.

Coles mesmes, el númberu de conserxes amontóse hasta los 17, y aumentóse hasta 44 los efectivos disponibles pa la llimpieza de los centros educativos, tantu los de 0 a 3 como los de Primaria y Secundaria.

Tamién te podria gustar