Les Aules Populares d’Avilés ufierten 63 talleres y seminarios con un total de 563 places

Les Aules Populares d’Avilés, UPA, abren la inscripción pal segundu cuatrimestre del cursu nel so XXXVII edición. Entamaes pola conceyalía de Cultura al traviés de la Fundación Municipal de Cultura y la Factoría Cultural, y en collaboración cola Federación Española d’Universidaes Populares, ufierta 63 talleres y seminarios, de los cualos son novedá 11, con un total de 563 places. Les clases empiecen esti llunes 13 de febreru.

Destinaes a mayores de 16 años, sumen 2.466,50 hores formatives, a impartir na Factoría Cultural, el Centru Cultural de Los Canapés, el Centru de Servicios Universitarios, les acabante restaurar Escueles del Altu Vidreru y los parques de la ciudá.

Son novedá na ufierta educativa de la UPA, con respectu al cuatrimestre anterior, dellos cursos: Arte barroco ya ilustración; Atrezzo para fiestes, eventos y teatru; Cestería; Cuerpu, mente y movimientu al traviés de la respiración; Ellaboración de traxes asturianos; Llingua de signos; Reciclaje y recuperación de muebles; Talla de madera; Tapicería; Telar tradicional, cintes, correes y petrines, y Yoga na nuesa villa.

L’asistencia a les clases ye de calter voluntariu, y va apurrise diploma a quien allegaren siquier al 80 per cientu de les sesiones y realicen la solicitú del mesmu.

Nos cuatro primeros meses cuntar con 363 persones inscrites. L’antiguu alumnáu que punxera en conocencia de los sos monitores la so intención de siguir nes clases, nos cursos en que s’atoparen matriculaos, van tener reservada automáticamente un plaza nos mesmos.

El plazu de matrícula pieslla esti domingu, 12 de febreru. Esta realizaráse por rigorosu orde d’inscripción, pudiendo anotase como acuta nos talleres y seminarios que se completaren, incorporándose a los mesmos en casu de baxes o duplicación.

Más información