Portada Educación L’Axencia d’Activación Xuvenil 2021 abre so plazu d’inscripción

L’Axencia d’Activación Xuvenil 2021 abre so plazu d’inscripción

by redacción asturnews

L’Axencia d’Activación Xuvenil 2021, un proyectu empobináu a menores de 30 años, con empadronamientu en Xixón, que nun  s’atopen desempeñando un puestu de trabayu o cursando formación, vieno acabante esti dia d’abrir so plazu d’inscripción.

Mientres el plazu de presentación de candidatures, dende’l Departamentu d’Orientación Llaboral van poner en contactu coles persones solicitantes para alcordar una entrevista personal, a partir de la cual, va realizase la selección final pa esti proyectu.

Les actividaes que yá se veníen ufiertando y que van siguir faciéndolo yeren les que vienen darréu:

  • Tutorización Individual
  • Coaching
  • Acciones de autoempleo
  • Ferramientes TIC
  • Remanes de voluntariáu
  • Marca personal y comunicación
  • Práctiques non llaborales,

A elles, van sumase otres actuaciones como eventos de networking, que dexen la conocencia y la collaboración ente quien participen nel proyectu, acciones de formación, pa la cualificación de participantes ensin perfil profesional, movilidaes internacionales, p’aquellos mozos con molición nel ámbitu de la movilidá europea, cursos de ofimática y formación comercial específica.

Coles mesmes, en relación a les Práctiques Non Llaborales, l’Axencia d’Allugamientu del Conceyu va empezar a prospectar a les empreses rexonales con oxetu d’empezar a captar estes oportunidaes formatives.

De les persones interesaes nel proyectu va dase en escoyer en redol a 100, tomando como criteriu cuntar con una representación d’un terciu de mozos ensin cualificación, otru terciu de mozos con estudios de formación profesional y otru terciu de mozos con estudios universitarios.

Coles mesmes, va valorase específicamente na selección l’espíritu entamador y la predisposición a desenvolver una idea empresarial.

Más información

Tamién te podria gustar