L’actor Karra Elejalde, premiu honoríficu del XVIII Avilés Acción Film Festival

L’actor Karra Elejalde vieno acabante algamar el premiu honoríficu del XVIII Avilés Acción Film Festival, que va recoyer esti sábadu 18 de mayu, na Gala de Clausura del festival.  La sección Aules Móvil yá tien a les sos 5 curtiumetraxes finalistes.

Entá falten unos díes por que dea empiezu la XVIII edición del Avilés Acción Film Festival pero yá se dio a conocer unu de les cares que va triar l’alfombra colorada’l próximu 18 de mayu, cuando se clausure’l festival.

L’actor, director y guionista vascu, Karra Elejalde -con dos premios Goya y más de 50 películes a los sos llombos- va recoyer el Premiu Honoríficu Avilés Acción 2019 como reconocencia tanta a la so escelsa carrera como a la calidá de los sos trabayos.

La cita va ser  nel Teatru Palacio Valdés, onde se van apurrir los galardones del certame nacional de curtiumetraxes que na  so XVIII edición  recibió 650 curtiumetraxes a concursu, con  una resultancia de 27 finalistes partíos nes trés secciones competitives: ‘Iguales & Distintos’, ‘Nacional’ y ‘Asturies’.

Elejalde ye unu de los protagonistes del filme ‘Ocho apellíos catalanes’ que se proxectó’l pasáu 25 d’abril nel marcu de l’actividá ‘Cine pa tods’, entamada en xunto ente Avilés Acción y l’Hospital San Agustín. Sumir a la llarga llista de personaxes del panorama del cine español qu’esfrutaron d’esti festival de cine, como por casu: Natalia de Molina, Daniel Guzmán, Asier Etxeandía, Ruth Gabriel o Blanca Romero.