La Xunta pola Defensa de la Llingua Asturiana ufre un vidiu del Conciertu pola Oficialidá

El pasáu sábadu, 24 d’abril, celebrábase nel Recintu Ferial Luis Adaro de Xixón, el XXII Conciertu pola Oficialidá, cola participación de Xentiquina, La Bandina la Curuxa, Toli Morilla, DRD, Skama la Rede, Los Berrones, Dixebra y Misiva. Quien nun pudiera averase pela celebración va poder disfrutar agora de les imáxenes del mesmu, montaes pol realizador Pablo A. Quiroga Prendes.

La música de fondu ye “El ramu del Día de les Lletres”, cantar de 2010 grabáu polos Músicos pola Oficialidá, yá incluyíu dientro del discu “Asturllétric”.