Música La XDLA denuncia la falta de “música n’asturianu” nes fiestes de San Mateo by asturnet 8 d'ochobre, 2012 written by asturnet 8 d'ochobre, 2012 La Xunta pola Defensa de la Llingua Asturiana (XDLA) dio anuncia del so contactu tanto cola conceyala de Servicios Sociales, Festexos y SOF, Belén Fernández Acevedo, como col director de la SOF, Javier Batalla, pa face-yos llegar la so esmolición porque “nes fiestes de la capital d’Asturies recién acabaes nun actuara nengún grupu de los que tienen l’asturianu como vehículu d’espresión nes sos lletres”, mientres que n’ediciones anteriores de San Mateo “actuaren otros y con gran ésitu de públicu”, espliquen. La XDLA reclama que nes fiestes de San Mateo se cuente colos grupos musicales qu’usen la llingua asturiana nes sos canciones. Paez-yos “que nun hai que dexar de llau, y menos nesti tiempu de crisis, a los grupos qu’apuesten por crear nuna llingua minorizada como la nuestra porque ellos tiénenlo tovía más difícil y les instituciones públiques tán obligaes a velar pol patrimoniu llingüísticu del que son vehículu”. La Xunta quixo tamién facer notar que la presencia del nuestru idioma, en xeneral, en San Mateo 2012 “foi bien probetaya”. La organización denuncia que namás pue tenese en cuenta la representación de la obra “Les Llinguateres” nel Teatru Filarmónica, “y más nada. Nin s’usó en cartelería, nin nos programes, nin na publicidá”, denuncien. 0 FacebookTwitterPinterestEmail Anterior El SIMPA pide disculpes a la sociedá asturiana pola fuelga pero carga les culpes al Principáu siguiente Xixón acueye’l II Salón Internacional de les Sidres de Gala los díes 26 y 27 d’Ochobre con una Cena de Gala y una Tastia Tamién te podria gustar Juan Fariña recala en La Pola col espectáculu... La potencia sonora del rock escandinavu llanza’l nuevu... Manuel Carrasco escueye Avilés pal únicu conciertu n’Asturies... Wild Honey llega a Xixón dientro del ciclu... La cuarta edición de VESU pon más conciertos... Uviéu programa’l ciclu Vetusta Jazz con artistes como... La Pola celebró la tercer semifinal del Concursu... A la vienta les entraes pal XXX Alcuentru... Sonder Betty presenta n’esclusiva’l so primer discu nel... El “Septimino” de Beethoven aporta al Palaciu Valdés...