La VI Amuesa de Cine Social y Derechos Humanos llega al CMI d’El Llanu

La VI Amuesa de Cine Social y Derechos Humanos, qu’organicen Acción en Rede y Amnistía Internacional, llega al CMI d’El Llanu donde va desenvolvese tolos sabados d’esti mes con accesu Llibre hasta completar aforu.

L’Amuesa de Cine Social y Derechos Humanos d’Asturies (MUSOC 2018) llega anguaño a la so sesta edición para siguir apurriendo una mirada crítica sobro diverses realidaes y fechos hestóricos dende la diversidá, la llibertá, el compromisu y la reflexón.

Nesta ocasión dedicase una parte importante de la programación a reivindicar la memoria como xusticia de les víctimes; afondar na problemática de les fronteres; poner en valor l’arguyu de ser coherentes colos nuesos deseos, orientaciones sexuales ya identidaes de xéneru; y denunciar les condiciones de vida en múltiples territorios.

Faise apostando de nuevu por cineastes emerxentes que les sos obres tuvieron una importante reconocencia en numberosos festivales internacionales. Un percorríu por un conxuntu de títulos de ficción y documental encuadraos en delles secciones temátiques: Periferies, Otra estación, Creadores mirando al Sur y Tránsitos.

Les películes escoyíes complementar col proyectu pedagóxicu EDUCA_CINE, xuna ventana abierta a espublizar los derechos humanos y la cultura de paz nos centros educativos; y DIÁLOGOS VISIBLES, un espaciu pal diálogu énte tanto ruiu mediático.

Más información