La UPV va ufiertar una tercer opción de sexu xunta’l d’home y muyer, al so alumnáu

La Universidá del País Vascu quier dar un pasu más nes sos polítiques d’igualdá. La institución académica va llevar al Conseyu de Gobiernu de mañana una novedosa propuesta pola qu’en toles sos convocatories, impresos de solicitú y encuestes nes que se tenga qu’indicar el sexu apaeza, al pie de los caxellos d’Home y Muyer, una tercera qu’indique ‘Otres opciones’.

Si la iniciativa llogra’l vistu bonu del organismu que dirixe la UPV/EHU, va comunicar a tolos centros, facultaes, departamentos y estructures de la Universidá por que puedan dir afaciendo los documentos.

La propuesta parte del vicerrectorado d’Innovación, Compromisu social y Acción Cultural y recuerda qu’ente les acciones que s’establecen nel I Plan d’Igualdá de la institución académica atopábase la inclusión de la variable sexu en toles estadístiques, encuestes y recoyíes de datos que se lleven a cabu en cualquier ámbitu de la UPV/EHU. Esa midida dexaba concretar por sexos, homes y muyeres, les estadístiques y estudios que se faen sobro’l númberu d’alumnos, calificaciones, titulaos, doctoraos, repartida d’universitarios por distintes carreres, graduaos que consiguen empléu…

La Universidá considera que la sociedá camudó, qu’esi «binarismo home/muyer ta difumináu» y que «la diversidá» ye xuna realidá innegable. «La evolución de la sociedá amuesa que los modelos d’identidá de xéneru son acaldía más numberosos y cada persona tien la oportunidá de conocer, espresar y desenvolver llibremente la so identidá», argumenta la propuesta ellaborada pola vicerrectora Idoia Fernández.

La reforma consiste en «establecer como directriz de política xeneral de la UPV/EHU que toles convocatories o impresos de solicitú o encuestes que faiga la Universidá y que los sos formatos contemplen los sexos d’home y muyer introdúzase xuna tercer posibilidá qu’indique ‘Otres opciones’, ‘Otres’ o la lletra ‘O’.