La Universidá y el Conceyu convoquen beques pa doctorandos nel programa “Uviéu sema talentu”

La Universidá d’Uviéu y el Conceyu d’Uviéu llanzaron esti mes una nueva convocatoria de la llínea d’ayudes específica pa doctorandos nel marcu del programa “Uviéu sema talentu”. Les beques, totalmente pioneres, inclúin práctiques remuneraes con 20.000 euros n’empreses. El conveniu tien una doble finalidá; d’un llau, potenciar la investigación y la innovación, y coles mesmes evitar la fuga de talentos.

Los beneficiarios de la convocatoria 2019 fueron recibíos nel Conceyu d’Uviéu pola vicealcaldesa Ana Taboada y el conceyal d’Economía, Rubén Rosón, en compañía del vicerrector d’Investigación de la Universidá d’Uviéu, José Ramón Grueso Suárez. Los estudiantes becaos y les empreses collaboradores participaron tamién na presentación pública de la iniciativa. Según desplicaron, les tesis qu’ellaboren tán rellacionaes cola biimedicina, la oncoloxía molecular, alimentación, innovación na educación y diverses investigaciones rellacionaes con procesos químicos.

La Universidá d’Uviéu y el Conceyu d’Uviéu roblaron un conveniu de collaboración  nel añu 2016, pal desenvolvimientu del proyectu “Uviéu Sema Talentu”, con una duración de cuatro años, hasta 2019.   La dotación económica del conveniu xube a un total de 1.160.000 euros. Asina, les ayudes contemplaes nel conveniu destinense a becar a estudiantes universitarios que realicen estudios en dalgún de los campus alcontraos n’Uviéu o bien a estudiantes empadronaos n’Uviéu que realicen los estudios en cualesquier de los campus de la Universidá d’Uviéu. El proyectu tien dos llínees d’ayudes. Una d’elles  ye la relativa a los  doctorandos.