La Universidá va empecipiar una campaña pa captar alumnos n’Inxeniería de Datos

La Universidá d’Uviéu va empecipiar cola Escuela Politécnica de Xixón (EPI) una campaña d’espardimientu y captación d’alumnos para’l grau d’Inxeniería de Datos que va impartir el centru del campus de Xixón a partir de setiembre, con 60 places y na modalidá semipresencial.

Esta iniciativa va sirvir pa estendela al restu de titulaciones. El rector cree que fai falta una «estratexa comunicativa eficaz sobre los nuesos estudios, al igual que «yá tán faciendo otres universidaes españoles», sobremanera en redes. La idea ye contribuyir a desaniciar la cayida d’estudiantes.

Villaverde espera que’l Conseyu de Gobiernu del Principáu autoricelo en mayu. Faltaría que pase pol Conseyu d’Universidaes y el Conseyu de Ministros. «L’Axencia Española d’Evaluación y Calidá (ANECA) yá-y dio’l vistu bonu en xineru. Nun veo al Conseyu de Ministros aldericando por un grau de la Universidá d’Uviéu». Ello ye que yá se ta incorporando al decretu de precios y tases públiques vixente de la institución.