La Universidá Popular recupera’l pulsu con 1.584 places

La Universidá Popular asitiarse nos niveles de places bien asemeyaes a 2019, xusto antes de la pandemia. A partir del 15 de febreru ufiértense 124 cursos, con 1.584 places, qu’algamen un total de 5.588 hores, según detalló’l conceyal d’Educación y Cultura, Manuel Ángel Vallina, esta mesma selmana.

“Son 183 places más qu’en febreru del añu pasáu”, apuntó. La pandemia obligó a que s’amenorgaren casi 1.000 places per cuestión de llindar los aforos. “Entá tenemos dellos casos nos que nun se recuperaron toles places, pero ye ciertu que la pandemia sirviónos pa revisar metodoloxíes”, afirmó Liliana Fernández-Peña, xefa de departamentu de la Universidá Popular.

A partir del día 17 ábrese’l periodu de matrícules, col regresu del cursu de cerámica ente les novedaes, o los dedicaos a Pablo Picasso o’l radioteatro asturianu.