La UE activa’l certificáu COVID del qu’España yá emitió más de 3,2 millones

Esta selmana entró oficialmente a valir en tolos países de la Unión Europea’l certificáu COVID, que dexa a los sos posesores viaxar pola UE con llibertá y ensin necesidá de guardar cuarentena. Anque’l pasaporte actívase güei, coincidiendo colos grandes desplazamientos de la temporada de branu, España lleva emitiéndolu dende’l 7 de xunu.

El Ministeriu de Sanidá y les comunidaes autónomes expedieron hasta agora más de 3,2 millones d’estos pasaportes, según datos del Ministeriu recoyíos por RTVE. Cataluña ye la comunidá autónoma más activa na emisión d’estos certificaos (681.600), siguida d’Andalucía (462.934), Galicia (255.423) y Castiella y Llión (224.354).

El certificáu COVID acredita qu’el so titular recibió la pauta completa d’una vacuna autorizada pola axencia europea EMA o pola OMS, que tien una prueba diagnóstica negativa o que ta inmunizado por pasar la COVID-19 nos postreros seis meses. Esti “certificáu verde dixital”, con que la so creación taben a favor el pasáu mes de marzu más del 60% d’españoles, foi aprobáu pelos países miembros de la UE en mayu. Agora, espérase qu’ayude a reactivar el mercáu turísticu mientres la segunda temporada braniza en pandemia.

Fuente: https://es.statista.com