Portada Comunicación La UABRA alderica sobre la presencia del asturianu na TV

La UABRA alderica sobre la presencia del asturianu na TV

by asturnet

Güei a les 20:00 hores nel salón d’actos del IES Cangas del Narcea, dientro de les xeres complementaries de la Universidá Asturiana de Branu (UABRA) va celebrase una mesa redonda embaxo’l títulu “Llingua Asturiana y TV” con Antonio Virgili, Próspero Morán y Carlos Suari. L’actu enmárcase dientro de los cursos que celebra l’Academia de la Llingua Asturiana hasta’l próximu 12 d’agostu.

Ye una actividá abierta na que Próspero Morán (periodista y director d’Asturnews), Carlos Suari (presentador del programa ¡Acuto! de la RPA y A galmiaes na TPA) y Antonio Virgili (Direutor de Rellaciones Corporatives de la RTPA) falarán acerca de la presencia del asturianu na televisión.

Tamién te podria gustar