Portada Música La Seronda d’Avilés presenta un trabayu de Llorián García sobre gaiteres y pandereteros

La Seronda d’Avilés presenta un trabayu de Llorián García sobre gaiteres y pandereteros

by asturnet

Esti martes 6 de payares a les 19:30 hores, la Seronda d’Avilés va celebrar la presentación del trabayu d’investigación “Gaiteres y pandereteros, xéneru, tresxéneru y poder na música tradicional asturiana”, de Llorián García Flórez. Sedrá nel salón d’actos del Palaciu de Valdecarzana.

La investigación, que ta firmada pol musicólogu asturianu Llorián García Flórez y dirixida pol profesor d’etnomusicoloxía José Antonio Gómez Rodríguez, ye la primera d’esta triba de les feches al rodiu la música tradicional asturiana. Dedicada al analís de dellos roles de xéneru invertíos (la gaita como instrumentu d‘homes tocáu por muyeres y la pandereta como instrumentu de muyeres tocáu por homes), la temática d’esta tesina abre una llínia d’investigación pionera y novedosa pal conxuntu los estudios sobre xénerú y músiques tradicionales producíos nel estáu español.

Tamién te podria gustar