La memoria Histórica va protagonizar el mes nel Centru Social La Semiente.

El Centru Social La Semiente de L’Entregu, va tener dos cites cola memoria hístorica esti mes nel que va ser protagonista la tema cola presentación d’un llibru y una proyección cinematográfica.

La primera les actividaes va ser esti xueves día 4 cola presentación del llibru “MEMORIA Y OLVIDO EN LA QUINTA DE PEDREGAL” y la siguiente’l 18 cola proyección del doumental “Felipe Matarranz. Simpre guerrillero” de Luis Felipe Capellín.

La cita pa esti xueves a les 19:30h, va ser col historiador ya investigador de la Memoria Histórica, Pablo Corral, qu’acaba de terminar “MEMORIA Y OLVIDO EN LA QUINTA DE PEDREGAL”. Un trabayu imprescindible pa entender una parte de la hestoria d’Avilés, que dalgunos pretendíen siguir escondiendo.

La represión franquista ye un fenómenu históricu llargamente estudiáu demientres les caberes décades n’España. Asina, anguañu tenemos una amplia conocencia de l’aplicación de la violencia na retaguardia y demientres la posguerra. Esti estudiu analiza les polítiques represives franquistes na comarca avilesina dende’l 21 d’ochobre de 1937. Pa ello, la investigación conxuga dellos tipos de fontes primaries y archivístiques.

Esti trabayu entama col analís de les estremaes estratexes violentes emplegaes sobre la población avilesina dende la entrada de les tropes franquistes. De siguío, por aciu dellos exemplos, rellátense les distintes téuniques pa someter a una población considerada hostil. Los paseos, los xuicios sumarísimos, les palices y les multes conformen les táutiques de control de la retaguardia. La Memoria coleutiva sobre los sucesos analízase, finalmente, alrodiu la Quinta Pedregal, edificiu utilizáu como centru detención. Magar les polítiques y discursos que s’apliquen na posguerra, constátase cómo les families de les persones deteníes revindiquen dichu llugar como un símbolu de Memoria.