ConvocatoriesMúsica La gala del Premiu al Meyor Cantar 2016 sedrá’l vienres 30 by redacción asturnews 6 de setiembre, 2016 written by redacción asturnews 6 de setiembre, 2016 51 Los cinco finalistes qu’opten al IX Premiu al Meyor Cantar d’esti 2016 van ser los músicos Anabel Santiago y Fernando Valle Roso y los grupos Bacotexo, La Tarrancha y Vrienden, que van competir nuna final que tien de celebrase’l vienres 30 de setiembre a les 20 hores nel Auditoriu Municipal de la villa polesa. El director xeneral de Política Llingüística y Normalización, Fernando Padilla, presentó esti llunes 6 de setiembre la final del IX Premiu al Meyor Cantar, gallardón convocáu pol Gobiernu del Principáu d’Asturies coles mires de consolidar, prestixar y arriquecer la creación musical asturiana, y que premia’l meyor cantar en llingua asturiana o en gallego-asturianu. Fernando Padilla, que tuvo acompañáu pol alcalde de Siero, Ángel García, y por Marta Mori de Arriba, miembru del xuráu, destacó que’l Premiu yá se convirtió nun referente pa los creadores asturianos y anunció que la gala de la final d’esti 2016 va celebrase’l vienres 30 de setiembre a les 20 hores nel Auditoriu Municipal de la villa polesa. Los cinco finalistes qu’opten al IX Premiu al Meyor Cantar, anunció Padilla, son los músicos Anabel Santiago y Fernando Valle Roso y los grupos Bacotexo, La Tarrancha y Vrienden. A la edición d’anguaño podíen optar aquellos temes orixinales n’asturianu o en gallego-asturianu editaos nel 2014 y el 2015, pola mor del paréntesis abiertu l’añu pasáu na convocatoria del premiu. Na gala del 30 de setiembre, depués de ver l’actuación de los cinco candidatos, el xuráu que los escoyó como finalistes, formáu por especialistes en música y llingua asturiana, va escoyer tamién el cantar ganador. Na celebración, la Banda de Gaitas El Trasno, ganadora de la última edición col tema «Volviche», va dar un conciertu. Na web del Premiu puen sentise los cantares finalistes y conocer la lletra y una biografía pequeña de cada grupu o artista. 0 FacebookTwitterPinterestEmail Anterior La Corredoria va acoyer del 7 al 11 de setiembre la fiesta de la cerveza ‘Oktober Uviéu’ siguiente El plenu de setiembre va votar l’adhesión d’Uviéu a la Rede de Conceyos pol Estáu Laicu Tamién te podria gustar Payares acueye les XLI Xornaes Internacionales d’Estudiu de... Semando Son amuesa’l nuevu folk asturiano Nun Tris abre les Xornaes del Festival Nel... El Trasiegu Fest va tener un mercáu con... Tatxers, Skabidean y la nueva escena musical Navarra... Aína entama’l cursu políticu con un actu n’Uviéu Algaire repite l’éxitu del 2022 en Lorient La Banda Gaites de Castrillón ufrió’l so repertoriu... Fitoria torna nueve años depués a brillar en... La Delegación asturiana en Lorient protagoniza la xornada...