Portada Educación La Formación Profesional va ser protagonista del mercáu llaboral nos próximos años

La Formación Profesional va ser protagonista del mercáu llaboral nos próximos años

by redacción asturnews

El presidente de la Confederación Española d’Empreses de Formación (CECAP) n’Asturies, Pablo García, esplicaba esta selmana pasada que la FP incorpora un un módulu profesional obligatoriu so les sigles FCT (Formación en Centros de Trabayu), lo que va convertila na protagonista del mercáu llaboral nos próximos años.

Nel cursu 2019-2020, solo un 68,7% de los alumnos matriculaos nel grau mediu de formación profesional llogró’l títulu, un porcentaxe que s’amenorgó hasta’l 54,6% de los alumnos de los ciclos cimeros. Tres el datu, llamativu, non subyace un problema d’abandonu educativu sinón un problema formal causáu pola dificultá d’accesu a les práctiques en tiempos de pandemia.

Les llimitaciones pola covid 19 y l’adaptación de midíes estraordinaries nes empreses enzancó la incorporación de los alumnos a les práctiques. Énte esta tesitura, l’Alministración ufiertó-yos convalidales por un trabayu. Hubo estudiantes que se amoldaron a esta fórmula, lo que-yos dexó llograr la titulación en tiempu y forma, mientres otros optaron por esperar y llograr el certificáu en posteriores convocatories.

Les FP tienen una aplicación llaboral eminentemente práctica polo qu’establecer un primer contactu col mundu llaboral ye importante, señala’l xerente de Afa Fomación, entidá qu’imparte ciclos na modalidá dual, amás de dirixir la patronal del sector ye’l presidente de l’Asociación de Mozos Empresarios (Folie).

La cayida ye, en realidá, xuna demoranza a la qu’optaron aquellos estudiantes que podíen dexá-ylo. Quien cursen la FP como trampolín p’aportar a los estudios universitarios viéronse empuestos a presentar un trabayu final pa cumplir colos plazos establecíos y nun perder un añu de carrera.

A la Cecap nun-y esmolez l’estáu de salú de la formación profesional, que los sos númberos de matriculaos y d’insertamientos nel mercáu llaboral amóntense añu tres d’añu en términos absolutos.

Tamién te podria gustar