La Feria del Llibru de Madrid va facer un repás sobre’l panorama actual de la lliteratura asturiana

La Feria del Llibru de Madrid, qu’entama esti vienres, va acoyer delles actividaes rellacionaes cola lliteratura asturiana, yá qu’Asturies, ye la comunidá autónoma convidada nesta edición.

El Pabellón Carmen Martín Gaite va acoyer trés actividaes que tienen como fin amosar la cultura d’Asturies. En primer llugar, Gonzalo Suárez va impartir la conferencia inaugural d’estes actividaes, que continuarán con una mesa redonda que llevará por títulu “Asturies, los llibros y la mirada”, na que s’abordará’l panorama actual de la lliteratura que se fai nel país.El Gremiu d’Editores d’Asturies va tener el so espaciu, onde presentarán y firmarán llibros autores como María Luisa Prada y Miguel Rojo.