Portada Educación La Fábrica d’Armes, la Llaboral y los polideportivos podríen acoyer la EBAU

La Fábrica d’Armes, la Llaboral y los polideportivos podríen acoyer la EBAU

by redacción asturnews
Foto: Marcos Alvarez (https://www.flickr.com/photos/marcosad/)

El rector de la Universidá d’Uviéu fai un apueste pola Fábrica d’Armes, la Llaboral y los polideportivos para faer la EBAU y, darréu d’ello, Santiago García Granda va falar colos conceyos pa escoyer «espacios abiertos» que tean próximos a institutos para curiar los exames.

En tiempos de distancies, restricciones, esixentes midíes de seguridá y encierres, 4.000 mozos tienen que faer de forma presencial unu de los exames más importantes de la so vida, el que-yos da accesu a la universidá. Pero nun pueden faelo como se fixo siempres. Por eso, la Universidá d’Uviéu ta buscando la meyor manera, la más segura, d’entamar los trés díes de prueba. Y, a falta de tomar decisiones y falar colos conceyos, el rector, Santiago García Granda, apuesta por buscar «espacios abiertos». Al so xuiciu la meyor opción de toles posibles sedríen llugares como’l Palaciu de Deportes y la Fábrica d’Armes d’Uviéu, 0’l Centru d’Arte de la Llaboral en Xixón, los mesmos equipamientos universitarios en Mieres o espacios deportivos d’Avilés. Refugar en principio teatro o similares por ser «más incómodos» para faer l’exame.

Otres comunidaes autónomes, dixo Granda, van optar por institutos de Secundaria, daqué qu’equí en principiu nun se contempla. Sí prefierse, sicasí, que les sedes escoyíes tean barganal de los centros educativos, para poder curiar y treslladar tol material más fácilmente. Asina, pue que la selectividá del cursu 2019-2020 celébrese menos sedes que nunca, yá que se utilizán espacios más grandes de lo habitual.

Lo que sí ta claro ye que la EBAU d’anguaño va ser los díes 30 de xunu, 1 y 2 de xunetu, calteniendo asina les trés xornaes d’exames (dalguna comunidá amplió a cuatro) y que la estructura de les pruebes va ser similar y con duración de 90 minutos caúna, como ye habitual.

Les sedes tán por definir, pero’l modelu d’exame yá ta claru. La Comisión Organizadora de la EBAU publicó les instrucciones de «l’adaptación de la elección d’entrugues pa la realización de la prueba». Y diches instrucciones confirmen lo que toos repitieren hasta agora: que va haber mayor opcionalidá. Esto ye, que los estudiantes van tener posibilidá d’escoyer ente delles entrugues, por que toos tengan la opción d’algamar la máxima puntuación «con independencia de les circunstancies nes qu’ésti pudiera tener accesu a la enseñanza y l’aprendizaxe mientres la suspensión de l’actividá lectiva presencial».

Les instrucciones dicten que «de cada materia va haber un exame únicu, con opciones A y B en cada entruga». Cada prueba va consistir nuna sola propuesta d’exame, con dellos enunciaos y nenguna entruga va ser obligatoria. «va procurase utilizar, siquier, un elementu curricular de caúnu de los bloques de conteníos o agrupaciones que figuren na matriz d’especificaciones de cada materia». Na realización de los exames va aceptase que les entrugues puedan arrexuntase en delles alternatives d’elección pa dexar al estudiante algamar la máxima calificación de 10 puntos.

L’estudiante tien d’indicar qué agrupación d’entrugues escoyó y nun va poder escoyer entrugues que sumen más de 10 puntos, nin agrupaciones d’entrugues que nun coincidan coles instrucciones de cada prueba. En diches instrucciones va informar de cuánto val cada entruga, porque non toes puntúen igual.

Tamién te podria gustar