La estensión de Siero del FICX lleva a Llugones los curtios de Elisa Cepedal

La estensión de Siero del FICX lleva a Llugones los curtios de Elisa Cepedal y por mor d’ello una selección de trés trabayos de la realizadora asturiana va proyeutase na Casa de Cultura de la localidá’l miércoles 22 de payares, a les 20 hores.

El 55.º FICX va averar al cine de la realizadora asturiana Elisa Cepedal, (Barredos, 1982), al traviés d’un focu que va amosar al públicu la so particular manera de contemplar la realidá y cómo la tresforma nun cine senciellu pero bien eficaz. El trabayu de Cepedal ye conocíu del públicu de Xixón, yá que foi la ganadora del premiu Nuevos Realizadores en 2010 y presentó los sos trabayos na Sección Oficial de Curtiumetraxes y en La Nueche del Curtiu Español.

Cepedal, somorguiada agora na preproducción del so primer llargumetraxe, torna al FICX con un programa qu’inclúi La Sablera (2010) y Ai Pena (2011), curtios qu’amás s’amosaron en centros d’arte y festivales como’l MoMA o BAFI-CI. La terna completar con El desastre (2014), aportación a la película colectiva Llar (2014), estrenada nel Festival de Mar de la Plata.

– – – – –

La Sablera: 22´13´´
Ay pena: 19´46´´
El desastre: 19´