La espo ‘Lápiz, papel y bombes. 1936-1939’ abre hasta avientu en Xixón

La esposición “Llapis, paper i bombes. 1936-1939”, qu’axunta más de 60 dibuxos realizaos por neños y neñes que fueron sacupaos mientres la Guerra Civil a les colonies establecíes en sitios seguros d’España y Europa, va tar abierta hasta’l 4 d’avientu nelCentru Municipal Integráu El Llanu de Xixón.

Estes vivencies y les sos desgarradoras esperiencies del conflictu, fueron afiguraes en dibuxos calteníos n’universidaes norteamericanes (la de San Diego a California y la de Columbia a Nueva York) y na Biblioteca Nacional d’España. La esposición ta integrada tamién por fotografíes y cartelos de la dómina pertenecientes al Centru Documental de la Memoria Histórica de Salamanca.

Trés secciones formen el percorríu de la esposición. Una primer parte integra los dibuxos rellacionaos con trés escenarios de la guerra civil: El bombardéu de Madrid, d’ónde procedíen munchos de los neños; el bombardéu de Port Bou, orixe de los neños sacupaos a les colonies del sur de Francia; y la batalla de Teruel, como una esperanza para los republicanos. La segunda sección de l’amueses inclúi dibuxos rellacionaos cola vida na colonia, y una última parte, cuenta con dibuxos rellacionaos cola evacuación dende’l sitiu de residencia a les colonies.

Xuntu cola Universidá d’Alicante, coordinaron l’amuesa un grupu de profesores d’Hestoria d’institutos d’enseñanza secundaria d’Alicante, ente los cualos atópense José Antonio Fernández, Ramón Galdrán, Remedios Esquierdu, Carlos Salinas y Teresa Sanz.

Centru Municipal Integráu El Llanu
Del 4 de payares de 2022 al 4 d’avientu de 2022