La conceyalía uvieína d’Educación remata la convocatoria de beques escolares

El Conceyu d’Uviéu, al traviés de la Conceyalía d’Educación, remató la tramitación de la convocatoria de beques d’esti cursu cola aprobación de los llistaos definitivos d’axudicatarios per parte de la Xunta de Gobiernu.

Una convocatoria de beques escolares pal cursu 2021-2022 que supon el mayor presupuestu d’Asturies nesti tipu d’ayudes. El Conceyu d’Uviéu destina un 1, 28% del so presupuestu a beques, frente al 1,16% que destina Xixón  o’l 0, 39% que destina Avilés. En total destinóse a beques daqué más de 3 millones 800.000 euros, para 7.198  beneficiarios, 4.425 en beques comedor, 1.105 n’almuerzu y 1.668 en beques de llibros. Al respective de les solicitúes atendíes, esto ye, les  que cumplíen los baremos esixíos na convocatoria, amontóse’l númberu de beneficiarios, pudiéndose conceder  un 74% de les  ayudes comedor, frente al 70% del añu pasáu, un 73% de les d’almuerzu, frente al 72%  del añu anterior, y un 66%  de les de llibros, frente al 65%  del cursu pasáu.

La conceyala d’Educación, Lourdes García, señala qu’anguaño destinase un presupuestu en beques históricu, el mayor de la hestoria del Conceyu d’Uviéu y el mayor de toa Asturies. Nenguna de les  families que s’afaía a los requisitos o baremos esixíos na convocatoria quedó fora,  polo que consideramos que tamos faciendo un gran esfuerzu presupuestariu n’atender a les families con verdaderes necesidaes”, señala Lourdes García.