La conceyala de Mocedá y el director d’Avilés Acción animen a los mozos a participar na Sección ‘Aules Móvil’

La conceyala de Mocedá y el director d’Avilés Acción animen a los mozos a participar na Sección ‘Aules Móvil’ dende esti martes. L’oxetivu de les charres ye amosar al alumnáu de secundaria qu’el so teléfonu móvil ye una ferramienta para poder rodar un curtiumetraxe y les inscripciones van tar abiertes hasta’l 1 de mayu.

Güei martes  a les 10:05 hores, la conceyala  de Mocedá, Raquel Ruiz, y el director del “Avilés Acción Film Festival”, Javier Mediavilla, visitaron el IES Carreño Miranda, onde’l cineasta impartía la so clase maxistral “Cómo grabar un curtiu col móvil”. Javier Mediavilla lleva dende’l pasáu martes 6 de marzu allegando a los institutos y colexos d’educación secundaria d’Avilés para impartir estes clases que cada añu tienen meyor acoyida ente los centros educativos de la ciudá.

Nes clases  tratense temes como’l guión, tipos de planos, el soníu y l’edición. Son una verdadera guía por  que el alumnáu que lo recibe participe dempués na sección Aules Móvil de la XVII edición del Festival Avilés Acción que se va celebrar dende’l 26 de mayu al 2 de xunu n’Avilés.  Los Centros educativos que tán participando nestes sesiones son: IES de La Lluz, IES Menéndez Pidal, IES Carreño Miranda, IES La Madalena, IES Nº 5 y el Colexu Salesianos Santu Ángel.

Los y les finalistes d’esta sección van poder ver los sos curtiumetraxes proyectaos en pantalla grande, dientro de les proyecciones diaries en cartelera de los Multicines Odeón ParqueAstur, qu’un añu más collabora col festival patrocinando los premios que se van conocer mientres la Gala de Clausura del eventu.

Esti proyectu forma parte de la Sección Aules móvil del Festival que s’impulsa dende la Conceyalía de Mocedá del Conceyu d’Avilés.

Ver calendariu de charres