La campaña del 50% n’actividaes turístiques llogra un ésitu total

El conceyal de Promoción Económica, Empléu, Turismu y Comerciu Local de Xixón, Santos Melandru Llaneza, presentó’l xueves, 2 de setiembre, les resultancies de la promoción “Xixón Activu: Vive un branu distintu”.

Esta promoción llanzose en xunetu y ufiertó al públicu actividaes turístiques con un descuentu del 50%. El 50% restante asumíase al traviés de los fondos destinaos a la recuperación del sector alcordaos nel pactu de Xixón Reinicia.

Marcha nórdica, parapente, surf, moto d’agua, globu aerostáticu, escursión en barcu, flyboard, visites a Cimavilla, al Xixón costeru y rural… Hasta 21 empreses de turismu activu y visites empuestes participaron na iniciativa destinada a xenerar actividá ente les empreses de turismu activu y esperiencies, xunas de les más afectaes pol parón turísticu que supunxo la Covid-19.

La iniciativa pretendía ayudar a compensar el descensu d’ingresos d’estes empreses, captar nueva vecería y complementar les vientes que les empreses yá realicen, según dar a conocer Xixón como destín d’esperiencies, promocionar los productos turísticos de les empreses y dio a conocer a la ciudadanía esti segmentu turísticu.

A zarru d’agostu, vendióse’l 92% de los cupos asignaos a les empreses y algamóse el 100% de la facturación disponible. “Trelce de les 21 empreses participantes vendieron el 100% de los sos cupos; 18, más del 50%. Esto supunxo xuna facturación total de 88.000€, cuntando lo qu’ingresaron les empreses directamente del veceru y el 50% asumíu al traviés de los fondos destinaos a la recuperación del sector alcordaos nel pactu de Xixón Reinicia”, esplicó Daniel Martínez Junquera, director de Xixón Turismu.