La Bandina, Anabel Santiago y Ambás actuen domingu y llunes nel Teatru Xovellanos de Xixón

El grupu de música folk La Bandina, xunto cola cantante de tonada Anabel Santiago y l’estudiosu de la música tradicional y cantante Xosé Ambás, planteguen facer una exposición sola música tradicional asturiana, desplicando de manera didáctica tanto la bayura d’instrumentos como los diferentes repertorios y temátiques, amás de facer un percorríu xeográficu per Asturies. Va ser nel Teatru Xovellanos, el domingu a les 12 la mañana y el llunes a les 10.30 pa grupos escolares.

El preciu de la entrada ye de 4 euros, mientres que pa los neños que vaigan con padres (2 padres y dos neños), el preciu va ser de 12 en total.