La banda sonora de Oficialidá sonó al altu la lleva n’Avilés

Un Palacio Valdés enllenu y pletóricu por cuenta de la gala que la Xunta pola Defensa de la Llingua Asturiana denominó “La banda sonora de la oficialidá”, dexó bien a les clares esta fin de selmana la comunión ente la metyor música que se produz n’Asturies y el compromisu pa cola oficialidá.

La reconocencia de la oficialidá del asturianu y del gallego-asturianu, como reclamó la presidenta de la Xunta pola Defensa de la Llingua, Pepa Fernández, dende l’escenariu a entrugues de la maestra de ceremonies, Natalia Suárez, yera’l “leit-motiv” d’un conciertu que tamién finío pidiéndo la oficialidá “ya, ya, ya”.

Antes d’entamar el conciertu, a les 19 hores, la banda de gaites “Esbardu” ya tuvo sonando a la puerta del teatru, sirviendo d’entrante pa un conciertu qu’abrieron “Les pandereteres pola oficialidá” con “El ramu de la oficialidá” ente’l públicu.

“La Tarrancha”, Rodrigo Cuevas, Leticia Baselgas, de “L-R”, Mari Lluz Cristóbal, Xel Pereda y tolos demás intérpretes al rematar la so actuación, amosaben esi compromisu pa cola oficialidá. En total, más de quince artistes de lo meyor de la música asturiana cola “Pita de la Xunta”, l’iconu del colectivu organizador que ficiere famosu’l presidente Tini Areces al fuxir d’ella en munches de les sos apaiciones.

Y dempués “Burilo”, Ramón Blanco, Xune Elipe, Xosé Ambás, Lluci Palombares y Dani García de la Cuesta xunto a los que participaron na primer parte del conciertu, canciaron xuntos “Tamos fartos de glayar l’asturianu llingua oficial”.