L’Arribada 2009 aporta esti martes a Xixón na so segunda xornada d’actividaes

L’Arribada etama esti llunes en Villaviciosa y aporta a Xixón un día más tarde, pa quedar hasta’l 3 d’ochobre, ente’l Centru de Cultura Vieyu Institutu (CCAI) de Xixón, y el Muséu del Ferrocarril d’Asturies.

Nel patiu del CCAI y a partir de les 18,00 hores va inaugurase la esposición “Antonio Medio”. A les 19:39 piésllase la xornada con cine, la película “Der Golem, wie er in die Welt Kam / El Golem”, con rótulos n’asturianu. Va ser na Sala de conferencies, de la 1er planta del CCAI.

Les actividaes organízales l’asociación cultural L’Arribada col sofitu de la Conceyalía de Cultura Tradicional de Xixón, la Fundación Municipal de Cultura, Educación y Universidá Popular de Xixón, l’Ayuntamientu de Villaviciosa, la Conseyería de Cultura del Principáu d’Asturies y la Oficina Municipal de la Llingua de Xixón.

Programa completu de l’Arribada 2009