Javier Cuesta reclama sofitu al Principáu por qu’Uviéu allugue nuevos proyectos empresariales nel sector de la innovación y la salú

El conceyal d’Economía d’Uviéu, Javier Cuesta, enseñó al conseyeru de Ciencia, Innovación y Universidá, Borja Sánchez, les instalaciones del Vivarium y les 5 empreses de ciencies de la salú que trabayen diariamente nel centru. El conceyal sorraya como oxetivu del actual equipu de gobiernu “recuperar el tiempu perdíu por que’l texíu empresarial innovador, tresformador y de futuru, pueda allugase nel nuesu conceyu”.

El conceyal d’Economía y Tresformamientu Dixital, Javier Cuesta, solicitó esta selmana al  conseyeru de Ciencia, Innovación y Universidá, Borja Sánchez, “un mayor protagonismu d’Uviéu nes polítiques rexonales” por que “el texíu empresarial innovador, tresformador y de futuru, que tien qu’emponer el desenvolvimientu de la economía y l’empléu, pueda allugase nel nuesu conceyu”.  El conceyal sorrayó la importancia de qu’esti sofitu, qu’históricamente non se produció”, empiece nesti nuevu mandatu “para recuperar el tiempu perdíu” y algamar asina l’oxetivu del actual equipu de gobiernu de “que’l desenvolvimientu empresarial y económico nel conceyu se apalanque sobro sectores innovadores con enraigono n’Uviéu”.

Cuesta realizó estes declaraciones mientres la visita qu’ufiertó al conseyeru al Vivarium y a les 5 empreses rellacionaes coles ciencies de la salú y la vida qu’ocupen les sos 15 dependencies y que dan trabayu a más de 60 persones. Debíu al ésitu d’esta instalación, “diseñada pa empreses yá en periodu d’afitamientu”, yá se proxectó reacondicionar los llaboratorios de la planta inferior p’allugar nuevos proyectos. Un ésitu que reconoció’l conseyeru de Ciencia, que s’amosó “arguyosu” de qu’el esti viveru “tea ocupáu’l 100% porque quier dicir que n’Asturies, siquier nel ámbitu de les ciencies de la vida, tán funcionando y qu’hai marxe pa más”.