James Gunn va escribir y dirixir la tercer parte de “Guardianes de la galaxa”

L’estadounidense James Gunn va dirixir y va escribir la tercer entrega de Guardianes de la galaxa, sigún dixera esti día’l  mesmu cineasta al traviés de la so páxina oficinal na rede social Facebook.

La primer entrega, estrenada n’agostu de 2014, recaldó casi 800 millones de dólares, y la segunda parte, titulada Guardianes de la galaxa Vol. 2, va llegar a les sales estadounidenses el 5 de mayu.

Gunn antes de ponese al mandu de esta franquicia galáctica de Marvel namái dirixiera les cintes independientes Slither, Super y Movie 43, pero depués dirixió y escribió los dos primeres cintes de la saga. El cineasta reconoció na so publicación en Facebook qu’esiste una tradición en Hollywood de faer “finales caóticos de triloxíes”, asina que tenía de tener bien claro que quixera encargase d’esa tercer obra, yá que nun quería formar parte d’esa “deshonrosa tradición”.

Nel so escritu, el director desveló que la hestoria d’esa tercer película va desenvolvese tres los acontecimientos de la cinta de Marvel “Vengadores: la guerra del infinitu”, en plenu rodaxe anguaño, y “va ayudar a catapultar a vieyos y nuevos personaxes pa los próximos diez años y más allá”.