Sociedá Iniciativa pol Asturianu pide al PP que dexe de mentir y d’utilizar l’asturianu pa emporcar la vida política d’Asturies by redacción asturnews 30 d'ochobre, 2018 written by redacción asturnews 30 d'ochobre, 2018 87 Iniciativa pol Asturianu vieno acabante pidir esti día al PP que dexe de mentir y d’utilizar l’asturianu pa emporcar la vida política d’Asturies nuna dura nota de prensa na que fina diciendo que la derecha ta a tiempu de camudar la so postura col asturianu y dexar d’utilizar un elementu cultural como una ferramienta pa dividir a la sociedá asturiana. Inaciu Galán, presidente d’Iniciativa pol Asturianu, dixo que “tras el fracasu absolutu de la propuesta de resolución del PP de Cherines pa que’l parllamentu se posicionare contra la oficialidá del asturianu dientro de la cabera sesión del debate d’Orientación Política na Xunta Xeneral, dende Iniciativa pol Asturianu pidímos-y al PP que dexe de mentir y d’utilizar l’asturianu pa emporcar la vida política d’Asturies, cuando tamos énte una cuestión de consensu tresversal”. Galán aseguró que “nun entendemos cómo ye posible que’l PP de Cherines diga que nun tienen nada en contra del asturianu y al mesmu tiempo una conceyala del so partíu en Noreña se quexe porque un conceyal presente una moción n’asturianu. Si tán a favor de la Llei d’Usu y del usu llibre del asturianu, ¿qué problema hai con que’l conceyal presente la moción del so grupu n’asturianu?, ¿qué problema hai cola reconocencia de la especialidá docente de Llingua Asturiana pa la que’l PP, por ciertu, tamién votó en contra, cuando hasta va poco yera una midida del so programa?”. Amás, el presidente de la organización añadió que “dempués del segundu intentu y el segundu fracasu del PP de Cherines nesta llexislatura con esta iniciativa que va contra lo que dicta l’Estatutu d’Autonomía y que volvió a cuntar col refugu de Podemos, Izquierda Xunida y Foro Asturies, el PP habría plantegase camudar la so postura sobre la llingua asturiana y nun quedar aisllaos nel parllamentu asturianu y na sociedá a la que quieren representar”. Pa terminar, Inaciu Galán esplicó que “dende Iniciativa pol Asturianu creemos que’l PP ta a tiempu de camudar la so postura col asturianu y dexar d’utilizar un elementu cultural como ye’l nuesu idioma como una ferramienta pa dividir a la sociedá asturiana. Nun val dicir que tán a favor del llibre usu del asturianu y llueu interrumpir un Plenu porque un conceyal fale asturianu, ye una absoluta incoherencia”. 0 FacebookTwitterPinterestEmail Anterior El Centru Social de Llaranes propón un misteriu por resolver pa celebrar Halloween siguiente El Centru d’Interpretación del Campusantu de La Carriona conmemora’l Día de los Difuntos Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu La Delegación asturiana en Lorient protagoniza la xornada... La UABRA aporta a la segunda selmana d’actividaes 4200 firmes sofiten la música n’asturianu en XIxón Blanca Fernández foi la pregonera de la XXVII... L’ALLA abre’l plazu pa los cursos de la...