El Centru Social de Llaranes propón un misteriu por resolver pa celebrar Halloween

El Centru Social de Llaranes en Aviés propón a les neñes y a los neños un misteriu por resolver pa celebrar Halloween. Tratase d’un xuegu de Cluedo con ambientación tenebrosa totalmente gratuitu destináu a neñes y neños d’ente 9 y 14 años. La inscripción cierrase’l martes 30, y el númberu de places ye llindáu.

El Centru Social de Llaranes prepararon un misteriu que les neñes y los neños tendrán de resolver “¿Quién asesinó a Caroline Peterson?” coincidiendo con Halloween. L’actividá va tener llugar na tarde del miércoles 31 d’ochobre, a les 20 hores, n’el mesmu Centru de la cai Río Eo.

Una propuesta totalmente gratuita, con llende de places, y que se destina a neñes y neños d’ente 9 y 14 años. La inscripción, tá abierta, puede realizase de forma presencial n’el mesmu Centru Socil de Llaranes y también al traviés del teléfonu 985 515 760. La llende p’apuntase ye’l martes 30 a les 20 hores.

El misteriu que tendrán de resolvese ye un Cluedo en vivu, un xuegu de personaxes nel que les neñes y los neños conviértense en detectives, con una misión: afayar quién asesinó a Caroline Peterson, la conserxe de la casa grande. Van Apaecer na aventura numberosos personaxes, dende una xardinera a un bibliotecariu, xuna cocinera, xuna llimpiadora… Del so sagacidad, de les sos entrugues, va depender conocer quién ye’l culpable de la desapaición de Caroline, y conocer les sos motivaciones y por qué lo fixo. Y tou, nun ambiente terrorífico, como se correspuende a una nueche especial como la de Halloween.