El Centru d’Interpretación del Campusantu de La Carriona conmemora’l Día de los Difuntos

Esti martes 30 y el miércoles 31 d’ochobre el Centru d’Interpretación del Campusantu de La Carriona ufre actividaes pa conmemorar el Día de los Difuntos, coincidiendo col sestu aniversariu d’esti equipamientu cultural. Conciertos de la Camerata del Conservatorio Julián Orbón y de la Banda de Música d’Avilés. Visites empuestes nocherniegues y diurnes al Campusantu de La Carriona 

El Centru d’Interpretación del Campusantu de La Carriona (CICLAC) va celebrar mientres el martes 30 y el miércoles 31 d’ochobre’l so sestu aniversariu, coincidiendo col Día de Difuntos. va facer por aciu un programa d’actividaes compuestu por visites empuestes gratuites (2 nocherniegues y 1 diurna), que van riquir inscripción previa, según por recitales musicales (2) na capiya del campusantu avilesín.

Programa del martes 30

-19:30 hores. Capiya del campusantu. Conciertu de la Camerata del Conservatorio Municipal Profesional Julián Orbón, so la dirección de Yulian Pechenyi. Repertoriu: obres de Bach, Vivaldi, Bériot y Berezovsky. Intérpretes: Lucía Esquierdu (violonchelu), Virgina Rodríguez (flauta trevesera), Valeria Gaya (violín), Pablo Fernández (violín), Benedicto Abadín (violín) y Sara Mª Ramírez (flauta).

-20 hores. Visita nocherniega al campusantu dende’l Centru d’Interpretación.

Programa del miércoles 31

-12 hores. Visita empuesta al campusantu dende’l Centru d’Interpretación.

-19:30 hores. Capiya del campusantu. Conciertu de la Banda de Música d’Avilés dirixida por Daniel Santos. Repertoriu: pieces de cuatro bandes sonores cinematográfiques (Memories d’África, Gladiador, La Misión y La Vie en Rose) y My Way de Frank Sinatra.

-20 hores.  Visita nocherniega al campusantu dende’l Centru d’Interpretación.

Más información