Genaro Alonso ye favoratible a derogar parte de la LOMCE

El conseyeru d’Educación reconocióse esta selmana «ansiosu» de que se produzan los cambeos nos aspeutos «más lesivos» na Llei Orgánica pa la Meyora de la Calidá Educativa (LOMCE).

«Toi totalmente a favor y ansiosu de que se produzan esos cambeos qu’atañen a los aspeutos más lesivos pal sistema educativu», indicó Genaro Alonso, quien citó espresamente la segregación temprana d’alumnos o de la relixón, «cuestiones bien ideoloxizaes de la llei». Coles mesmes, indicó que yá ta en marcha la derogación del real decretu 14/2012 de midíes restrictives pal profesoráu, daqué que, apuntó, el ministeriu va anunciar el día’l día 30 na sectorial d’Educación en Madrid.

El conseyeru faló de la coesistencia ente la rede pública y l’alcordada «d’una manera harmónica», anque defendió que «la brutal cayida de natalidá que tenemos n’Asturies» soportenla dambes redes. «Pa nós la escuela publica ye una prioridá nel sentíu de qu’en la nuesa comunidá autónoma ye la que vertebra’l sistema educativu de norte a sur y d’este a oeste», remarcó Genaro Alonso.