Portada Conceyos Esti Payares torna La Semiente

Esti Payares torna La Semiente

by redacción asturnews
Cartelu d'inauguración del Nuevu Llar de La Semiente

Payares va ser el mes del estrenu del nuevu llar de La Semiente, entamando cola presentación del “Villamocho” d’Antón Saavedra.

Esti centru social que lleva semando autoxestión ya inconformismu 5 años camudó de llocalización hai bien poco y agora alcuentrase na Calle Nueva Nº1 (a escasos 200 metros del llocal vieyu, pero na Carretera Xeneral). Esti mes va entamar cola presentación del llibru “Villamocho, La corrupción en el sindicalismo minero”, de Antón Saavedra, el Xueves 5 de Payares a les 19:30 hores.

El llibru ye “una historia de la mafia, d’una mafia que ná tien que ver colos baxos fondos de Chicago o colos pequenÞos pueblos de Sicilia, la mafia del SOMA y del carboìn asturianu. Con un llinguaxe mineru que nun fae concesiones esteìtiques, Saavedra fae un repasu a casi cuarenta anÞos de dominiu del SOMA n’Asturies, de les sos trames de corrucioìn, del so control de la Caxa d’Aforros, de los ayuntamientos mineros y del propiu Gobiernu d’Asturies. Cuarenta años qu’acaben cuando el llìder mineru abandona la secretariìa xeneral del sindicatu entre llárimes, pocu tiempu enantes de conocere que habiìa regularizao 1,4 millones de euros n’amnistiìa fiscal del gobiernu del PP.” La obra ta editada por ditau pola Asociación Sangar.

Más tarde, esta asociación entreguina organiza otra vegada más un Amagüestu Popular, que va cellebrase el Sábadu 14 de Payares. El programa d’actividaes tovía nun ta cerrau, pero como siempre va haber castañes asaes y sidra dulce, en una xornada que divídese en 2 partes, el “Amagüestu pa la mocedá” (pa neños y neñes que se fae na Cai) y un “Amagüestu pa grandes” (Nocturnu y que se fae nel Centru Social)

El Xueves 19 a les 20hores, tamién va pasar por La Semiente Luis Felipe Capellín, prolíficu documentalista asturianu que nesta ocasión va tar presentando el filme “Rosario Acuña”.

Pero col llocal nuevu además abrense munches posibilidaes, como por exemplu la organización de talleres que van ser de baldre y abiertos a tol mundiu. Además de continuar col Taller de Baille(llatino, pasadoble, de salón,…) que tan bona acoyida tuvo el cursu pasau y que nesta ocasión va facese los Miércoles de 20 a 21 hores, dende La Semiente faennos otres 3 propuestes:

Un taller de meditación colectiva, que va a celebrase el primer y tercer Martes de cada mes, uno de Cantares de Chigre, que va facese el restu de martes (2º, 4º y 5º), ambos talleres en horariu de 20 a 21 hores, y pa finar un Taller de Defensa Personal (Win-Tsun) que sedrá los Sábados de 11 a 13 hores.

Pa apuntase a los talleres, la xente interesao puede escribir a lasemiente@hotmail.com , indicando en el asunto el curso al que se quier apuntar o pasando pol llocal cualquier Llunes a les 19:45hores.

Si la intención ye proponer o suxerir dalguna actividá pa realizar nel llocal, dende’l colectivu anuncien tar en disposición de escuchar a cualquier persona los Llunes a partir de les 20 hores na so asamblea semanal.

Tamién te podria gustar