Entesa catalana pide que les convocatories del MES contemplen ayudes pa trabayos d’investigación en llingües cooficiales

El senador de la Entesa Miquel Bofill presentó esti vienres una moción pa que s’incluyan nel Plan d’Aición 2009 pa la Universidá Española ayudes a los proyeutos d’investigación internacional escritos en cualquier de les llingües cooficiales del Estáu. El senador fizo alcordanza de que los trabayos d’investigación nel ámbitu de les humanidaes y les ciencies sociales escritos en catalán, gallegu y euskera atopen les mesmes o más dificultaes pa proyeutase internacionalmente que los publicaos en castellán.

El Conseyu de Ministros del 30 de xineru del 2009 aprobó’l Plan d’Aición 2009 pal apoyu y la modernización de la universidá española con una dotación de cinco millones d’euros pa proyeutar internacionalmente la investigación en ciencies sociales y humanes que se publica n’español.